सर्लाहीको हरिवन नपामा रहेको सगुन बचत तथा ऋण सहकारी संस्था लि. को २४ औं स्थापना दिवस कार्यक्रम सम्पन्न भएको छ ।
सो कार्यक्रमको उद्घाटन प्रमुख अतिथि समेत रहेका मधेश प्रदेश सभा सदस्य डिल्ली उप्रेतीले गरेका थिए । कार्यक्रमको अध्यक्षता  संस्थाका अध्यक्ष केशव प्रसाद ढकालले गर्नुभएको हो ।

सो अवसरमा मुख्य कार्यालय सहित आफ्ना्े ५ वटै सेवा केन्द्रमा एकैपटक केक काटी विधिवत रुपमा कारोबार गरी स्थापना दिवस मनाएको हो ।
२४ औं स्थापना दिवस ३ दिन सम्म संस्थाले विभिन्न् कार्यक्रमहरु आयोजना गरेको हो ।

पहिलो दिन विद्यालय स्तरिय सगुन ज्ञान मञ्च प्रतियोगिता संचाल गरेको संस्थाले दोस्रो दिन पर्यावरणलाई सफा राख्न हरिवन उद्योग बाणिज्य संघलाई डस्टबिन वितरण र हरिवन १ स्थित शिवेश्वर प्रा.वि. को १९ जना विद्यार्थीहरुलाई स्कुल कपडा र कापि पेन्सिल वितरण गरिएको थियो । तेस्रो दिन एक कार्यक्रम गरि ५८ जना बृद्धबृद्धा शेयर सदस्यलाई सहारा स्वरुप लौरो र खानाको रुपमा हर्लिक्स र विस्कुट वितरण गरिएको थियो ।

यहि अवसरमा उत्कृष्ट बाल बचत कर्ता , नियमित बचतकर्ता, उत्कृष्ठट ब्यवसायी सदस्य, उत्कृष्ट बचत कर्ताहरुलाई सम्मान प्रदान गरिएको छ । साथै बिशेष परिस्थितिमा साहासीक कार्य गरि संस्थालाई योगदान गर्नुहुने कर्मचारी  साजन कार्कीलाई कर्मचारी विशेष सम्मान तथा अन्य १० विभिन्न विभागको कर्मचारीलाई उत्कृष्ट कर्मचारी सम्मान प्रदान गरिएकोछ । कार्यक्रम संचलन संस्थाको सचिव  राजकुमार उप्रेती ज्यु, स्वागत मन्तब्य उपाध्यक्ष तारादेबी सुवेदी र संस्थाको आर्थिक विषयमा कोषाध्यक्ष  विनोद कार्की र संस्थाको अहिले सम्मको आरोह अवरोहको बारेमा संस्थापक अध्यक्ष  बाबुराम घिमिरेले मन्तब्य राख्नुभएको थियो ।
मधेश प्रदेशमा उत्कृष्ट, ब्यवसायीक र दिगो वित्तिय कारोवार गरि सदस्यलाई भरपार्दो सेवा प्रदान गरिरहेको सगुन साकोसको कुल वासलात १ अर्ब ५४ करोड र सदस्य ११८७१ रहेकोछ ।